নতুন দিনৰ অহ! আন ছাং ছ্যুকি,Hang Sang Syuki

 

Oh new days of Hang Sang Syuki

নতুন দিনৰ অহ! আন ছাং ছ্যুকি

◼তপন পায়েং
6002076886

সৰিয়হ ফুলিলেই জানিবা
তাই আন ছাং ছ্যুকি ?
মুৰতে হালধীয়া খোপা পিন্ধি সৰিয়হ ধৰাতে
ছাগলী ৰখীয়া গাভৰু এজনীক দেখিলেই জানিবা
তাই আন ছাং ছ্যুকি ॥॥

নতুন দিনবোৰ চিৰদিনলৈ নতুন হৈ থাকেনে বাৰু? হয় আমি সকলোৱে জ্ঞাত নতুন দিনবোৰ নতুন হৈয়েই নাথাকে যেন নতুন দিনবোৰ একো একোটা ঋতুৰ দৰে ,নিজস্ব কামবোৰ সমাপন কৰিব আৰু  অতীতৰ দেশলৈ পুৰণি হ'বলৈ যন্ত্ৰচালিত মেচিনৰ দৰে আগবাঢ়ি যাব । এই যন্ত্ৰচালিত মেচিনতেই আমাৰ ক্ষন্তেকৰ সুখবোৰ নাইবা দুখ-বেজাৰবোৰ মিলিত হৈ জাঁহ যায় অতীতৰ বিশাল সমুদ্ৰত । তেতিয়াহ'লে আমি কিয় নতুনলৈ বৰ হেপাঁহেৰে বাট চাওঁ,মাঘত মেজী জ্বলাওঁ সুখৰ কামনা কৰো অগ্নি দেৱতাৰ ওচৰত আশীষ লওঁ কিন্তু এই সুখবোৰ কিমানজনে পাইছে ,হয় এইটো আমি ঠিৰাংভাৱে কব পাৰো যে দুখ আৰু বিপদবোৰকেই নতুন  ৰূপত পাওঁ,এইবাবে আমি নতুনলৈ বাট চাওঁ নেকি ?সেয়েহে ভাগৱত গীতাই কৈছে যে নতুন দিনত ভাল দিন আহিব তাক লৈ অপেক্ষা নকৰিব জীৱনত যি চলি আছে চলি থাকিব দিয়া মাথোন ভৱিষ্যতৰ সুখৰ বাবে বৰ্তমান সময়ত দিন-ৰাতিক একাষাৰ কৰি কষ্ট কৰি যাওঁক তোমাৰ এই কৰ্মই নতুন দিনৰ সুখৰ বাৰ্তা কঢ়িয়াই আনিবই ,এইয়াই সত্য ।
         চলিত দিনতেই যোৱা বেলিকাতে চলিত বছৰটোৱে নতুন দিনৰ সংজ্ঞা কঢ়িয়াই লৈ আহিব বুলি  কত সপোন দেখিছিলো,কত ফুৰ্তি কৰিছিলো,নৈৰ পাৰে পাৰে সৰিয়হ গছকি গছকি ভোজৰ মেলাতে বিহুগীত -ঐনিতম জুৰিছিলো ,নতুনক আকোৱালি লোৱাৰ বাবে ।আজিওঁ মনত পৰে ,অহ ! নতুন দিনৰ আন ছাং চ্যুকি ? এই নতুনতেই আমাৰ বৰগছো মৰহি গ'ল, বৰগছ মৰহি যোৱাৰ বেদনাক জানো এই নতুন দিনৰ আন ছাং চ্যুকিয়ে জানো বুজি পায়,তেনে নতুন দিনক কিহৰ প্ৰয়োজন ? নালাগে আমাক এনে নতুন দিন । যত কষ্ট পায় বৰগছৰ অনুপস্থিতিত সৰু-ক্ষুদ্ৰ বিটপীৰ কলিজা,যত ৰাতি টোপনি নাহে বৰগছৰ মিচিকিয়াঁ হাহিঁৰ ক্ষুদ্ৰ গছলৈ চায় ফোনত কথা পাতা ছবিক পায়, এই নতুনে উভতাব পাৰিবনে বৰগছৰ এই হালধীয়া ৰঙাপিকৰ হাহিঁক।
                      আকৌ বাজিব ৰেডিঅত ,ৰাতি পুৱাৰ দৈনন্দিন বাৰ্তা,অসম আদিত্য,আমাৰ অসম,নিয়মীয়া বাৰ্তাত প্ৰথম পৃষ্ঠাতে আকৌ প্ৰকাশ হ'ব ডাঙৰ ডাঙৰ বৰফলা আখৰৰ শিৰোনামা ,একেই কথা একেই  অভিযোগ । নতুন দিন বুলি কতনো পৰিৱৰ্তন হ'ব, কতনো নতুন আহিব । অৱশ্যে আহিব পাৰে নতুন মানুহ, নতুন মুখা পিন্ধা । শব্দটোৱে   কেৱল নতুন হৈ আহে কেতিয়াবা মূগা ৰঙৰ ৰিয়া পিন্ধি নাইবা পাজক এগে পিন্ধি,মাথোন পুনৰাৱৰ্তী হৈ  থাকে একদৰে একেই কথা নতুন দিনৰ আন ছাং ছ্যুকিৰ ॥

প্ৰবন্ধটোৰ চমু সাৰাংশ

উক্ত লেখাটি ,প্ৰিন্ট মেডিয়া তথা অসমীয়া বাতৰি কাকত "দৈনন্দিন বাৰ্তা'টো প্ৰকাশ পাইছিল,এই অনুভৱ লেখাটোত আন ছাং ছ্যুকি তথা শান্তিৰ নৱেল বটা প্ৰাপক আৰু ম্যানমাৰৰ ৰাজনীতি বিদক নতুন দিনৰ লগত তুলনা কৰা হৈছে ।

আং ছান ছু কি ৰ চমু পৰিচয় who is Hang Sang Suki? আং ছান ছুকিৰ ১৯৪৫ চনৰ ১৯ জুনত জন্ম হৈছিল।তেওঁৰ পিতৃৰ নাম আছিল আং ছান,আং ছান ছুকি য়ে ১৯৮০ চনত ম্যানমাৰত গণতন্ত্ৰ আৰু মানৱ অধিকাৰ বাবে দশক দশক জুৰি অহিংস সংগ্ৰাম আৰম্ভ কৰিছিল যিয়ে আন্তঃৰাষ্ট্ৰীয় দেশসমুহক আকৰ্ষন কৰি তুলিছিল। পৰৱৰ্তী সময়ত তেওঁ চাৰিটা মন্ত্ৰীত্ব পদ লাভ কৰিছিল শক্তি মন্ত্ৰী,বৈদেশীক মন্ত্ৰী। তেওঁ প্ৰকাশ কৰা গ্ৰন্থসমুহৰ ভিতৰত -Freedom of Fire,Hand Other writtings,Letters from Burma.